FESPAD Gala Night JAZZ na AFROBEAT byanyuze abitabiriye

CHIEF EDITOR
02/28/2013

Muri Serena Hotel niho FESPAD yakomereje mu ijoro ryo kuri uyu wa 28 Gashyantare, injyana za Jazz na Afrobeat nizo ahanini zacuranzwe n’abahanzi b’abahanga mu njyana nyafrica bari bahari.

Femi Kuti icyamamare muri Africa mu njyana ya Afrobeat ivanze na Jazz

Femi Kuti umuhanzi w’icyamamare muri Nigeria niwe wagaragaje cyane ubuhanga mu njyana ya Jazz ivanze na Afrobeat asusurutsa abari aho karahava.

Uyu mugabo yatangiye muzika mu 1970 afite imyaka 17 ayivanye ku mubyeyi we Fela Kuti byemezwa ko ariwe watangije injyana ya Afrobeat.

Femi Kuti yaririmbye indirimbo ze zamenyakanye cyane nka Shoko Shoki, Bang Bang n’izindi zigera kuri zirindwi zanyuze cyane abantu bari aho biganjemo abanyamahanga n’abanyarwanda batari abo ku rwego rwo rwa rubanda rugufi.

Usibye uyu muhanzi abahanzi b’abanyarwanda bafite umwihariko w’injyana za Kinyafrica nka nka Liza Kamikazi bashimishije cyane nabo abari bitabiriye iki gitaramo dore ko inzu mberabyombi ya Serena Hotel yari yuzuye.

Umuhanzi Mighty Popo wafashwaga na Mani Martin na Aaron Niyitunga bamucurangira nabo ubufatanye bwabo bwanyuze abantu benshi cyane.

Iserukiramuco nyafrica riri kubera mu Rwanda rikaba ryarateguwe n’Ikigo cy’igihugu cy’Iterambere RDB. Kuri FESPAD irabera i Musanze, kuwa gatanu i Rubavu, naho muri iyi week end hakaba aribwo hazaba ibirori bigari aho benshi bategereje kwirebera umuhanzi Bennie Man ukomoka muri Jamaica acurangira abanyarwanda.

MInistre Mitali yari yaje kwihera ijisho

Abari bitabiriye iki gitaramo bari benshi

Mani Marin, Maiti Popo na Aaron Niyitunga bashimishije abantu benshi mu majwi meza no mu njyana gakondo — Mani Marin, MightyPopo na Aaron Niyitunga bashimishije abantu benshi mu majwi meza no mu njyana gakondo

Abahanzi Mighty Popo na Aaron Niyitunga bazwi cyane mu njyana gakondo nyafrica

murumuna wabo muri izo njyana Mani Martin yabafashaga

Liza nawe azwiho umwihariko mu ijwi ryiza n'injyana gakondo nyafrica na nyarwanda — Liza nawe azwiho umwihariko mu ijwi ryiza n’injyana gakondo nyafrica na nyarwanda

Ijwi ryiza rya Liza, umudiho w'ababyinnyi be ndetse n'umurya w'inanga y'umugabo we inyuma ye biba binogeye cyane amatwi. — Ijwi ryiza rya Liza, umudiho w’ababyinnyi be ndetse n’umurya w’inanga y’umugabo we inyuma ye biba binogeye cyane amatwi.

'Performance' ya Liza yanyuze benshi — ‘Performance’ ya Liza yanyuze benshi

Aba ni ababyinnyi ba Femi Kuti bari bahageze babanza gususurutsa abantu mu mbyino z'iwabo. — Aba ni ababyinnyi ba Femi Kuti bari bahageze babanza gususurutsa abantu mu mbyino z’iwabo.

Bamwe bahise batangira kwegera ngo bihere ijisho

Ibi byuma bikoreshwa cyane mu njyana ya Jazz uyu mugabo arabisobanukiwe cyane

Bamwe bahise batangira guhaguruka bagaceza

Femi yavuze ko yishimiye kuba ari mu Rwanda, igihugu kuri we ngo cy’intangarugero mu bindi bya Africa, yatangaje kandi ko agishakamo ubwenegihugu

Ababyinnyi be bashimishije abantu cyane mu mbyino gakondo z'iwabo muri Nigeria — Ababyinnyi be bashimishije abantu cyane mu mbyino gakondo z’iwabo muri Nigeria

Femi ibyuma byinshi bya muzika arabisobanukiwe — Femi Kuti ibyuma byinshi bya muzika arabisobanukiwe

Abantu bahagurutse baceza iyo njyana ya Femu Kuti

Jemima Kikizi ukora imideri ya kinyafrca yari ahari — Jemima Kakizi (ibumoso) ukora imideri ya kinyafrca yari ahari

Plaisir MUZOGEYE
UM– USEKE.COM

0 Comment

Nshimiyimana Olivier says:
02/28/2013 at 16:28

AHOOOOOOOOO,nibyiza cyane
- emmy says:
  03/01/2013 at 11:50
  
  nibyiza bivugwa se hubwo!
  byandenze mba nkuroga.

chungura says:
03/01/2013 at 12:25

yemwe ndabashimiye ko mwahatubereye twe abarikure mukomereze aho tuzajya tubirebara aha umunsi mwizaaa

Ruvaga says:
03/01/2013 at 14:41

Dukeneye ubutaha Hugh Masekela!!!

Comments are closed.

Share this:

0 Comment