Digiqole ad

FERWAFA yahagaritse umusifuzi utarahannye umukinnyi wakubise mugenzi we umutwe nk’uwa Zidane

 FERWAFA yahagaritse umusifuzi utarahannye umukinnyi wakubise mugenzi we umutwe nk’uwa Zidane

Ishyirahamwe ry’umupra w’amaguru mu Rwanda (FERWAFA) ryahagaritse mu gihe cy’ukwezi Samuel Uwikunda umusifuzi wasifuye umukino wahuje APR FC na Mukura VS kuko ngo yirengagije amwe mu makosa yagaragaye muri uyu mukino harimo iry’umukinnyi wakubise umutwe mugenzi we mu buryo bugambiriwe.

Uwikunda Samuel wasifuye umukino wa APR na Mukura yahagaritswe mu gihe cy'ukwezi
Uwikunda Samuel wasifuye umukino wa APR na Mukura yahagaritswe mu gihe cy’ukwezi

Itangazo ryashyizwe ku rubuga rwa FERWAFA, iri shyirahamwe rivuga ko muri uyu mukino wabaye kuwa 24 Gashyantare kuri Stade ya Huye, uyu musifuzi yaranzwe no kutubahiriza amategeko.

Rigaragaza ko uyu musifuzi yirengagije guhana ikosa ryakozwe na Simpenzwe Hamidu ukinira Mukura VS akubita umutwe Issa Birimana wa APR FC.

FERWAFA ihagaritswe uyu musifuzi ku busabe bwa komisiyo y’abasifuzi mu Rwanda kubera imyitwarire bavuga ko idahwitse yagaragaje muri uyu mukino wahuje APR FC na Mukura VS.

Uwikunda Samuel yahagaritswe mu gihe cy’ukwezi, ntazasifura mu mikino yo kuva kuri uyu wa Gatanu taliki 03 Werurwe kugeza kuwa 02 Mata.

Ku mashusho uyu mukinnyi wa Mukura akubita uwa APR FC umutwe ku munwa yihanukiriye, bari hafi cyane y’umusifuzi wakebutse agasanga igikorwa kikirangira umukinnyi ari kwitura hasi.

Igikorwa nk’iki ubundi abasifuzi batatu bane ku kibuga ntibisanzwe kuba batarakibonye ngo uyu mukinnyi ahite ahabwa ikarita itukura.

Reba amashusho y’uko byagenze:

 

Photo ©Ishimwe Innocent/UM– USEKE

UM– USEKE.RW

2 Comments

  • Hhhhhhh umwana urikwibere se wamuburanya! ubwose tuvugeko ntamukinnyi wa gikona ujya ukora amakosa!!? reba nkacyiriya gitego wamurundi yatsindishije ukuboko nawe akabyiyemerera barangiza bakamureka!kand iyaba ari nkumukinnyi wiyindi ekipe aba yarahuye nakaga!! mbega ferwafa nkunda!! narumiwe pee

    • ariko ubwo nkawe niba unajijutse simbizi ni ubwambere wari ubonye ibitego byatsinzwe muburyo butaribwo kandi bikemerwa? wibuka Maradona atsindisha ukuboko bagakuramo ubwongereza muri world cup? nako wasanga ntanibyo uzi sinkurenganye!niba se uwo mukinnyi yarabyemeye ko yatsindishije ukuboko ibyo yabibwiye arbitre muri ako kanya cg yabivuze bukeye? arbitre se we yavuze ko yabibonaga arabyihorera? wigeze se ubona hehe ku isi yose aho nyuma yumukino inama runaka iterana bagahakana igitego cyatsinzwe? ibindi bishobora guhinduka ariko igitego cyemejwe ntanama ishobora kukivanaho. aho tuhave noneho tugaruke kumyumvire ufite inateye ipfunwe cyane.

      Niko se ko wabonye bahannye umusifuzi bakanavuga ibyo yirengagije bigaragara abibona bikaba byanasabwe na bagenzi be bakora akazi kamwe nukuvuga ko iryo ari ryo kosa ryonyine ryakorewe muri uwo mukino? nukuvuga ko ntakosa narimwe APR yigeze ikora muri icyo kibuga? nukuvuga se ko ntamunsi numwe APR iragira umukinnyi uhabwa ikarita runaka kubera amakosa?

      Naho se ayo makipe yandi uvuga yo iyo umukinnyi wayo ahanwe aba azize ubusa buri gihe uko ahanwe. nubwo wayise ngo indi kipe iyo uvuga birazwi iyo ari yo gusa twe ntiduhora muri ibyo byanyu mwishyizemo ninabyo bibabuza gutera imbere kandi igisekeje ni ukuntu ABAKINNYI BA APR NIYO KIPE YAWE UVUGA BO BABA ARI INSHUTI ariko wowe ukirirwa wakambije agahanga ngo barakwanga.

      Mwige kubaho neza mworoheranye mureke abakora akazi bagakore

Comments are closed.

en_USEnglish