Amavubi U 20: Abana ba H.E, Brian na Ian Kagame bakinnye umukino wo kwibuka
Mu mukino wo kwibuka abahoze mu mukino w’umupira w’amaguru barimo abakinnyi bazize Jenoside yakorewe Abatutsi wahuje ikipe y’u Rwanda Amavubi n’ikipe ya Morocco y’abatarengeje imyaka 20 kuri Stade Amahoro, kuri uyu wa Gatandatu, abana b’umukuru w’igihugu cy’u Rwanda, Brian Cyizere Kagame na Ian Kigenza Kagame bakinnye uyu mukino banigaragaza neza.
Mbere y’uko umukino utangira, Ian Kagame na bagenzi be, Savio Nshuti Dominique na kapiteni wa Morocco, Regragui Hamza basomye ubutumwa bukubiyemo impanuro zo kurwanya no kurandura ingengabitekerezo ya Jenoside.
Ubutumwa bwasomwe mu ndimi eshatu zikoreshwa mu Rwanda.
Ian Kagame na Brian Cyizere Kagame bakinnye uyu mukino warangiye amakipe yombi anganya igitego kimwe kuri kimwe.
Ku munota wa munani w’umukino, Amavubi y’u Rwanda yafunguye amazamu ku gitego cyatsinzwe na Blaise Itangishaka ku mupira yahawe na Savio Nshuti Dominique, mu gihe Morocco yishyuye iki gitego ku munota wa 43, gitsinzwe na Boussoufiane Hicham.
Ian Kigenza Kagame wanabanje mu kibuga akaza gusimburwa na Udahemuka Park ku munota wa 27, yari yambaye numero 14, anigaragaza neza muri iyi minota yamaze mu kibuga.
Benshi barebye uyu mukino banyuzwe n’imikinire y’uyu musore ndetse bakavuga ko ashobora kuba asanzwe ari umukinnyi w’uyu mukino.
Brian Cyizere Kagame nawe wakinnye uyu mukino, yinjiye asimbuye mu gice cya kabiri, aho yari yambaye numero 7
Uyu mukino wanitabiriwe na madamu Jeannette Kagame aho yari yaje kwihera ijisho uko ikipe y’ingimbi z’u Rwanda ziconga ruhago hamwe n’aba bahungu be bato.
Umukobwa wa Perezida, Ange Kagame na we yari yaje kureba iyi kipe yakinnyemo abavandimwe be.
Uyu mukino warangiye amakipe yombi anganyije kimwe ku kindi, (Rwanda 1-1 Morocco), Marocco yaje kubasha kwishyura igitego yari yatsinzwe kinjijwe na Boussafiane Hicham watsinze yishyura.
Ku ruhande rw’ikipe ya Morocco, bavuga ko bungutse byinshi nyuma yo gusobanuriwe amateka ya Jenoside yakorewe Abatutsi mu Rwanda.
Baboneraho kuvuga ko bishimiye intambwe u Rwanda rumaze gutera mu myaka 22 ishize nk’uko byatangajwe n’umutoza w’iyi kipe, Mark Wotte mu kiganiro yahaye Abanyamakuru.
Amafoto/N. Roben/Umuseke
Roben NGABO
UM– USEKE.RW
29 Comments
FERWAFA na MINISPOC babure akambaro na gato karimo amabara y’ikipe y’igihugu?!Birarebeka nabi!
Eh? MBEGA NGO NDABIHOMBERAMO!!!! IYO MBIMENYA NARI KUBA NAGIYE KUWUREBA PE!
Uyu mwana asa na Sugira ariko….
Yes akomerezeho,azavamo umukini ukomeye..
@Dodos, ko uvuga umwe se kandi ari babiri?
The family of HE gives good example in everything
Amavubi mato yakoze, uriya mwana ko mbona asa na Gasana bapfana iki?
They are all Rwanda
Wenda niwe se. Wabimenya ute ko ise w ‘ umwana amenywa na nyina?
Ni barebare nizereko banakina basket. Kagame yaribyaye pe pe
Ni Ukuri Aba Basore Ba Mzee Bakomeje Kwitabira N’indi Mikino Itaha, Byaba Ari Motivation Irenze Izindi Zose Kuri Bagenzi Babo. Nibakomereze Aho.
Ibi nibyo kwerekana konabo bazi guconga kabumbu.Ibya politiki mubajyanamo mubireke.Ababyeyi babo barabahabereye.Biti ihi se, bajye kwiyamamaza mu Rutsiro,Gasarenda,Rusizi,Karongi nibatorwa babe ba gitifu bimenyereze umulimo icyo gihe bamaze kugira imyaka 40 bazaba bamaze kumenya igihugu barimo neza.
wabonye he bajyanwa mu bya politike ko iyo mwabuze ibyo muvuga mwanjwa, abana bifatanyije nabagenzi babo mugukina kandi bakinnye neza, ibi nibyerekano ko bakunda igihugu cyabo kandi buvamva bagiha umusanzu wabo muburyo bwose bushoboka, abanyarwanda barabashimira rata kumusanzu wanyu kubwo gukomeza kwitangira igihugu cyanyu kandi byerekano ko mwatojwe neza, umwana
Wowe ushobora kuba usasobanukiwe amategeko agenga CAF.Ubu bari kurutonde rw’abakinnyi bakina mubafite imyaka munsi ya 20.Niba wumvako banjiye bari kwikinira nabagenzi babose iyi kipe bakinnye nayo ninde wayirihe? Ese abakinamo bavuye mukihe gihugu?
@
Sama,
Ibabana bakina agapira nibisanzwe kandi ninabyiza kwegererana nabandi baba.ikibazo kiri kuri iriya nkumi ya HE.ubona agaragara muri politic cyane. Nguwo mumwiherero wabayobozi bakuru. Nguwo munama yabakurubibihugu byafrica Iwashigton nibindi nibindi.
Ariko ba gitifu badatera ingume abaturage doreko aribyo bigezweho iki gihe mu rwa gasabo.
Aba bana b’umukuru w’igihugu bazavamo abakinnyi kabisa nibakomereze aho. Ni byiza cyane kubona baratanze contribution yabo mu mukino wo kwibuka genocide yakorewe abatutsi muri Mata 1994.
woooowmbega byiza burya abana bumusaza bazi guconga ruhago kuri uru rugero, ibi nibyo kwishimirwa, bahatwe imyitozo nabonye ari abakinnyi beza kabisa
njyewe rwose aka kamathc kandyoheye cyane , aba bana bumusaza bafite touches, controle de balle bararenze kabisa, igisigay ni imyitozo ubundi amavubi akaba arongeye arangutse abakinnyi bibikonyozi rwose , wooow ibi ndbikunze cyane, ibi rwose njye mbifatira nko kwitangira igihugu
Nibuka muri 2010 cg 2011 aba bana bari bakiri bato cyane bari bafite ikipe y’abana baje gukina I Huye n’abana ba Mukura. Wabonaga bawuzi rwose. Uriya mutoya azi gutera coufrancs cyane. Ikindi gishimishije nuko ababyeyi babo babashyigikira. Icyogihe H.E yari ahibereye
woooow, muzehe arabyiruye nukuri , aba bana bafite football kukirenge kabisa , wooow awesome , ibi rwose njye ndabona ari ukwitangira igihugu kuza gukinira amavubi ibi nibyo kwishimirwa rwose, umutoza abiteho ntibamucike kuko nabakinnyi beza cyane
Mwakoze cyane famille ya President gutanga umusanzu wanyu muri uyu mukino. Twishimiye cyane aba bana, mbona ahubwo bazavamo abakinnyi, bajye baza badufashe nubundi ba rutaha izamu barabuze.
eeeh aba bapetits ko ari danger wana , eeeh burya umusaza afite abana bazi guconga ruhago kuri uru rwego , wooow aka ka match kari tres bien nukuri muntu utakarebye yahombye rwose , aba bana ni ba ronaldo bo mu mini iri imbere , coach aba bantu ntibagucike
njyewe aba bana nirebe uko bakina , mbabwije ukuntu bakomeje gukina amavubi yaba afite abakinnyi beza mu minsi irimbere , kuko touches control de balles nababonanye barabifite ntagushidikanya kabisa, coach abiteho kabisa
Aba bana ndabemera saanaaa, ubutaha jye nzabasaba selfie kabisa! Proud of you guys, mukomereze aho turwubake.
Aba bana se na Kagame bawuhamyaga buriya
iyo uza kureba umukino ndizerako utari bube uvuga ibi wanditse, aba bana barimo abakinnyi beza cyane bejo hazaza ,kandi uyu ni umusanzu baba batanze ni motivation kubandi bakinnyi bakiri bato rwose , njye kubanjye bandishimiye ubwitangiye bagaragaje , naho rwose ibyo ntubizi , iyo uza kwireba touches zabo kuri balle, ukareba controle de ball bari bafite ntuba uvuga ibyo
Burya nta narimwe Nyirurugo abyina nabi.
keretse ubivuze utari umuvumbyi
yewana ababana ni bamyugariro kbs ahubwo mundangire ahaza umutoza wo kubatoza kuko numvise ko murwanda ntabahari
Comments are closed.