Ese koko umugore utwite inda y'amezi 4 cyangwa 5 ashaka cyane imibonano mpuzabitsina?

Ubusanzwe ngo urumuri rutuma ubushake bw’imibonano mpuzabitsina ku bagabo no ku bagore bwiyongera ariko ngo ubu bushake ntibwiyongerera igihe kimwe kuri bose nk’uko byagaragajwe n’itsinda ry’abashakashatsi bo muri kaminuza ya Tromso ho mu gihugu cya Norvege. Abo bashakashatsi bagaragaje ko ubushake bw’imibonano mpuzabitsina ku bagore bwiyongera cyane mu kwezi kwa kane n’ukwa gatanu.

Urubuga rwa internet 7sur7 dukesha iyi nkuru ruvuga ko Arne Holte washyize ahagaragara ubu bushakashatsi yatangaje ko  ukwezi kwa kane n’ukwa gatanu ari mezi y’ubushyuhe bwinshi ku bagore mu gihe  mu kwezi kwa munani ari bwo abagabo bumva ubushyuhe bwiyongereye ku buryo budasanzwe, ari na bwo ngo ubushake bw’imibonano mpuzabitsina kuri bo bwiyongera.

Arne Holte yagize ati: “Abagore ni bo bagirwaho ingaruka nyinshyi n’ubushyuhe mu kugira ubushake bw’imibonano mpuzabitsina kurenza abagabo”. Cyakora ngo haba ku bagabo no ku bagore, ngo mu kwezi  kwa 12 usanga ubushake bwo gukora imibonano mpuzabitsina bwaragabanutse. Aha ukaba wakwibaza impamvu ibitera. Uru rubuga ruvuga ko nta yindi mpamvu y’ibi uretse kuba ngo imisemburo y’abagore yiyongera bitewe n’ingano y’urumuri cyangwa ubushyuhe mu gihe umubare w’imisemburo y’abagabo cyangwa Testerones utajya uhindagurika.

Nk’uko byemezwa kandi na Bente Træen, umuhanga mu birebana n’ubuzima bw’imyororokere, ngo ubushake bw’imibonano mpuzabitsina ku bagabo ntibukunze kugabanuka umwaka wose mu gihe ku bagore ubushyuhe butanga dopamine nyinshi ku bwonko. Iyi dopamine ikaba ari na yo ituma ibyishimo by’umugore byiyongera ari na byo bituma ubushake bwo gukora imibonano mpuzabitsina  na bwo bwiyongera. Umuganga.com