Mutoniwase yashushanyije ‘First Lady’ na crayon amuha ifoto nk’impano

CHIEF EDITOR
08/18/2016

Edwige Mutoniwase ni umwe mu bana 23 barangije amahugurwa y’ibyumweru bitatu y’ikoranabuhanga mu ishuri rya Tumba College of Technology, kuko ari mu bana batsinze neza mu bigo bigamo, Mutoniwase afite n’ubuhanga yagaragaje mu gusoza aya mahugurwa kuri uyu wa Kane muri iki kigo kiri i Rulindo.

Mutoniwase afashe ifoto yari amaze gushushanya yatanze nk'impano kuri Mme Jeannette Kagame — Mutoniwase afashe ifoto yari amaze gushushanya yatanze nk’impano kuri Mme Jeannette Kagame

Mutoniwase w’imyaka 18 yabashije gushushanya akoresheje crayon/pencil, ishusho ya Mme Jeannette Kagame mu buryo bigaragara neza ko ari we. Iyi shusho/foto yayimuhayemo impano nubwo atari ahari, ngo bazayimumuhere.

Mutoniwase yiga muri Ecole D’Art ku Nyundo mu karere ka Rubavu, avuga ko iby’ubugeni yumva ari impano yavukanye mu ishuri akaba ari kuyinoza.

Mutoniwase ubu yiga gushushanya no kwamamaza n’ibindi bijyanye nabyo

Ati “Namuhaye (Mme Jeannette Kagame) iyi mpano kugira ngo mwereke ko tumwishimiye kuko adushyigikira nk’abakobwa ngo dutere imbere, cyane cyane abakobwa batsinze neza. Aduha amahirwe umuntu wese atabona niyo mpamvu natwe twumva twamwitura uko dushoboye.”

Mutoniwase avuga ko inzozi afite ari uko umwuga we ariwe uzamutunga akajya akora amamurikabikorwa bye bwite bikamuha amafaranga kandi bikamubeshaho neza.

Ubugeni nk’ubwe ni bimwe mu bibeshejeho abanyabugeni b’abahanga mu Rwanda.

Edwige asanzwe ari mu bakobwa batsinze neza amasomo yabo bahawe amahirwe na Mme Jeannette Kagame yo guhugurwa mu ikoranabuhanga

Gasana Jerome wa WDA yitegereza iyi foto uyu mukobwa yashushanyije

Bagenzi be barangizanyije nawe amahugurwa mu ikoranabuhanga — We na bagenzi be barangizanyije amahugurwa y’ibyumweru bitatu mu ikoranabuhanga

Mutoniwase avuga ko afite intego ko azajya akora amamurikabikorwa bye bikamutunga

Iyi mpano yayihaye Rose Rwabuhihi wayishimiye cyane nawe amwizeza ko azayishyikiriza Mme Jeannette Kagame

Rose Rwabuhihi ni umuyobozi ushinzwe ibya Gender Monitoring — Rose Rwabuhihi (iburyo) umuyobozi ushinzwe gukurikirana ibya Gender muri Gender Monitoring Office

Photos © D S Rubangura/UM– USEKE

Daddy SADIKI RUBANGURA
UM– USEKE.RW

31 Comments

Uwimana Johnny says:
08/18/2016 at 16:52

Nice one, you did it!!!
- Jean Paul Rukara says:
  08/19/2016 at 02:09
  
  Uwaba afite numero ya Tel yuyu mwana yayimpa, UM– USEKE ese hari icyo mwamfasha kubona numero ye?
  - rugo says:
    08/19/2016 at 09:52
    
    niba wasomye neza hejuru, ntabwo wabura uburyo wayibonamo.

mea culpa says:
08/18/2016 at 17:33

uyu mwana ntago ashakaisha kbs, komereza aho

Rusagara says:
08/18/2016 at 17:36

This chick is so much talented, keep it up gal

Lili says:
08/18/2016 at 17:45

Uyu mwana w’umukobwa ni umunyabugeni peee!!! Akwiye guterwa inkunga igaragara akagera ku rwego rwisumbuye rw’urwo ariho ubu.

Courage mukobwa.

thierry says:
08/18/2016 at 18:02

mbega byizaa ! nubwambere nabona umukobwa uzi gushushanya uku. njye abaye umugore wanjye yazajya ahora anshushanya

J says:
08/18/2016 at 18:04

Erega mu Rwanda dufite impano!
Bravo!
MINEDUC igerageze ikwize amashuri ameze nk’iryo ku Nyundo hirya no hino.
- Kabgayi says:
  08/18/2016 at 21:53
  
  Ku Nyundo nubundi nikuva nakera na kare.Burya abapadiri bagombye kubegulira amashuli yose mu Rwanda maze mukarebakako kajagari katashira mumyaka 2 gusa.Umuswa hanze ushoboye kumuha ibyangombwa kugirango arusheho kukaza ubwenge.Niko bakora, bazirana nabana bibyungwe.

Simba Jean says:
08/18/2016 at 19:42

Batangire kwiga uko ushushanya umuntu umwitegereza “live”, umureba akokanya nkuko camera ikora. Ubusanzwe nibyo birimo ubuhanga kuruta gushushanya umuntu ugenda urebera ku ifoto ye. Gushushanya umuntu ugenda urebera ku ifoto ye nibyo kuva kera muri ecole d’ art kunyundo bigishaga. Ndibuka abanyeshuri mbere 94 abanyeshuri bari baratangiye rusaba umufrere wayoboraga iryoshuli ko babigisha isomo ryogushushanya abantu nibintu kuburyo bwa live. Sinzi niba ubu baratangiye kubyigisha.

koyote says:
08/18/2016 at 20:07

sha uri umuhanga komeza avenir yawe imeze neza.ibi byagutunga ubigize umwuga

Ubwiza says:
08/18/2016 at 21:51

Uyu mwana ndabona we ntakibazo cyubushomeri azagira kuko yifitiye impano

BUCYANA says:
08/19/2016 at 08:01

What a talent. Uyu mwana akomereze aho. Ariko aha yahakura ibiraka byinshi byamufasha gutera imbere. Niba hari uwabona nimero ye cg ubundi buryo umuntu yamugeraho adufashe
- tumusifu says:
  08/19/2016 at 10:06
  
  Uzampamagare kuri iyi nzamukugezaho 0785255992

G says:
08/19/2016 at 08:07

Rwanda’s got talent. uyu ndabona arusha wa wundi washushanyije HE na Ange. Ecole d’Art mukomereze aho.
- Drubani says:
  08/19/2016 at 11:46
  
  Amurushate se? Vana itiku aho, bose bize hamwe, bimwe impano barinazo. OWE BITE?

kikaka says:
08/19/2016 at 08:31

uyu mwana ni umushushanyi kabisa! mumpe tel ye muhe igishoro.
- kkkkk says:
  08/22/2016 at 14:34
  
  igishoro nimumutwe we

stev says:
08/19/2016 at 08:48

Uwo mwana nukumushigikira hamwe nabandi bibikoramo courage. Bazabigishe nokubikora live byaba byiza. Kandi mineduc izatangize iryo shuri muri buri karere byaha chance nabandi batagiye kubyiga muri Ecole d’Art. Courage a tout les eleves qui etudient a Nyundo

copy says:
08/19/2016 at 09:25

Chapeau kabisa!!!!
- kagwegwe says:
  08/19/2016 at 10:06
  
  Abashaka Tel z’uyu uyu mwana mwanyura kubuyobozi bwikigo nibyo bir sur kuko ushobora gusanga umunyeshuri wa 18 ans nta phone afite.Ahubwo nimubaze phone z’ubuyobozi bw’ikigo cya Ecole d’art Nyundo thx
  - ange says:
    08/19/2016 at 10:52
    
    jyewe ndemeye.

musaninyambo says:
08/19/2016 at 11:17

Great and talented litle girl, Rwanda need more school like Ecole d’Arts de Nyundo( where stutend show really what they are able to), Ariko namaganye kandi ndanenga uyu mugabo utangiye kubaririrza inumero za telefone za kariya kana, ahubwo bakarinde ibirura buriya hari ibigabo biashaka kugatera inda cyangwa bikungukireho kuberako byabonye kariya kana katangiye kumenywa n’abakomeye barimo Nyakubahwa Madame jeanette kagame, nimureke uùwana akomeze iterambere mwere kumwicira ubuzima. Ahubwo polici izuùmvirize abantu bose bazatelefoona uyumwana w’umukobwa. Kuki mubona umuntu abaye ikirangirire mugatangira kumwirukanka inyuma ? Niba mwifuza gufasha abana bafite ubuhanga kandi babuze amikoro muzajye mumihanda na za ruhururua muzahasanga ba mayibobo bazi ubwenge n’abandi b’imfubyi babuze ubarihira amashuri hanyuma mubarihire barangize, bityo nibwo muzaba mugize neza, naho kubona akana kagakobwa gatangiye kumenyenkana mugashaka kugafatairana nkakumwe ngo ujya gufata ihene ayifata igihebeba ibyo ndabyamaganye, uyumwana leta izamucungire hafi imurinde ibyonnyi n’ibyuririrzi ejo batazamwangiriza ubuzima, ibigabo byomurxwanda ni ibihehesi ndabizi
- BUCYANA says:
  08/19/2016 at 13:51
  
  Ariko rero wowe ufit ikibazo gikomeye. ku bwawe umubano wose w’umugabo/umusore n’umugore/umukobwa ushingiye ku byo guterana inda? Olala! societe yacu ifite abantu bamwe bazahajwe n’ibibazo by’imitekerereze pe. kuki utumva se ko hari abashaka kumuha ikiraka ukumva ko ari inda bashaaka kumutera? wowe bakwirinde kabisa! ikigaragara ntuzi n’icyo ubugeni ari cyo. uko bisa uyu mwana afite impano kdi ureebeye uko abantu bamwakiriye yamutunga; ibindi byose bikure mu mutwe wawe. Igihugu nticyatera imbere hari abantu bagitekereza nkawe

Drubani says:
08/19/2016 at 11:53

Amanyempano bose nkaba aba nabo babarirwa mu mitungo y’igihugu n’imiryango yabo bakomokamo. Bazajye banabatumiza mu Manama y’abayobozi basuye uRwanda, bagahita bamushushanya bakamuha ishusho ye ako kanya nka cadeau, kdi byabashimisha cyaaane. kdi bajya bahita babasigira nagashimwe da, batagasize leta cga MIJESPOC igakora muri Budget Provisoire yayo) ikamuhemba, bibaha courage kdi bakabona ko bahawe agaciro gakomeye kandi koko baragakwiye rwose.

rudaduka says:
08/19/2016 at 12:35

Ntegereje kumenya inkunga abategetsi bazamutera kugira akomeze atere imbere. Wasanga bamuhaye inka aho kumwohereza hanze ngo akomeze kwihugura.

Maranyundo says:
08/19/2016 at 15:10

Uyu se ari mu biki ? Najye kwiga computer ave mubyo guhakwa dore ko abanyarwanda ubuhake bwanze kubashiramo, wagirango barabuvukana. Ubu se uzajya arangiza muri ririya shule wese akamenya gushushanya azajya abyerekanira mu gushushanya perezida n’umugore we ! Akumiro ni akeso kok !
- david says:
  08/19/2016 at 21:20
  
  wowe ahubwo bakujyane indera, uzabaze hose umwuga mubi nukuroga naho niba utazi icyo bita impano ugende ubaze uwitwa bernard birasa aho gushushanya bimugejeje hanyuma usubiremo ayo mahonvu yawe
  - Maranyundo says:
    08/20/2016 at 14:47
    
    Bernard Birasa yize i Nyundo muri za 1990, umwuga wo gushyshanya yawukoze kuva 1994, gushushanya byamuteje imbere kuko yabikoraga abantu babyize ari bake cyane, kandi mu gihe ibishushanyo byari bikenewe. Ubu ikoranabuhanga riteye imbere, rigeze aho ushobora gukoresha computer n’izindi peripherals ugasohora kiriya gishushanyo mu gihe gito.
    
    Unyumve neze simpakana ko uyu mukobwa adafite skills, ariko niba wowe ufite brain ikora neza, wakabaye wabonye ko nanjye muri comment ibanza namwohereje kwiga computer, aho kwirirwa ashushanya umugore wa President. Niyige, arenge Crayon n’urupaouro kandi yivanemo kumva ko hari uwo agomba kubanza gupfukamira kugirango atere imbere. Njye ndasnaga ari wowe ukwiye kujya i Ndera because your brain is shrinking.