Menya indwara y’uruhu yitwa ‘Ise’

Ise ni indwara imenyerewe ,ifata uruhu igaterwa n’agakoko ko mu bwoko bwa ‘fungi’ mu rurimi rw’icyongereza kitwa‘Malassezia furfur’.

Ako gakoko ubusanzwe kibera ku mubiri wacu, ibi nta kibazo bitera uruhu rwacu ahubwo ikibazo gitangira kugaragara iyo kiyongereye ku bwinshi.

Iyi ndwara ikunda kugaragara ahantu hashyuha cyane cyane mu mugongo no mw’ijosi..) Bimwe mu bimenyetso biyiranga ni ibi bikurikira: Kwishimagura cyane cyane ahantu wavuye ibyuya byinshi, irangwa n’ibibara bigira amabara atandukanye bitewe nuko uri umuzungu cyangwa uri umwirabura.

NI BANDE BAFITE IBYAGO BYINSHI BYO KWANDURA ISE ?

1. Abantu bava ibyuya byinshi kenshi

2. Abantu bafite ubudahangarwa bw’umubiri bwagabanutse (abanduye agakoko gatera SIDA, imwe mu miti, diyabeti, abarwayi ba kanseri,…)

3. Abarwaye indwara z’imirire mibi.

4. Abakoresha amvuta yo mu bwoko bwa Cocoa butter.

NI GUTE ISE IVURWA ?

Imiti imwe wayibona hafi yawe muri farumasi :

• Selenium sulphide shampoo (Selsun) uyu muti usabwa kuwoga kenshi gashoboka ndetse ukawumeshesha imyenda yawe

• Ketoconazole (Nizoral) shampoo or cream

KUKI ISE ISHOBORA KUGARUKA NYUMA YO KUVURWA ?

Agakoko gatera ise gafite ubushobozi bwo gufata mu myenda ndetse n’ibiryamirwa.

Icyitonderwa:

Inama ni uko wamesa imyenda ndetse n’ibiryamirwa muri wa muti wa Selsun,  cyane ku bakobwa bagahinduranya buri munsi amasutiye yabo.

ISE BURYA NTIYANDURA, cyeretse ufite ingorane twavuze hejuru zongera ibyago byo kuyandura.

Ntihabose k.corneille
UM– USEKE.COM