All Star Games: West yatsinze East akavagari k’ibitego 196 ku 173
Rusell Westbrook n’igihembo cya MVP cy’umuhigo wari umaze imyaka hafi 60
Igikomeye cyabaye ni umuhigo waciwe na Russell Westbrook wabaye MVP muri iyi mikino kabiri yikurikiranya, byaherukaga mu myaka 58 ishize. Naho mu mukino urangiye mu gitondo cyo kuri uyu wa mbere (ku masaha yo mu Rwanda) igice cy’Iburengerazuba cyatsinze icy’uburasirazuba amanota 196 ku 173.
Muri uyu mukino waberaga i Toronto muri Canada, Russell yabaye MVP nyuma yo gutsinda amanota 31 muri uyu mukino wari uryoshye cyane, yafashe imipira 8 ku nkangara yabo (rebounds) yatanze imipira itanu abandi bagatsinda anambura abandi imipira byose mu minota 22.
Russell yatangaje ariko ko igihembo cya MVP yahawe cyamutunguye cyane.
Mu gutora MVP Russell amajwi menshi yayavanye ku bagize itangazamakuru, mu gihe bagenzi be nka Chris Paul wa Los Angeles Clippers, Stephen Curry wa Golden State Warriors na Kobe Bryant wa Los Angeles Lakers (wakinaga All Star ya 18) nabo bari babonye amajwi menshi mu bafana no kuri Twitter.
Nka George Paul wa Indiana Peacers yatsinze wenyine amanota 41 muri uyu mukino akaba yabuze inota rimwe ngo agere ku muhigo w’igihangange cyo hambere Wilt Chamberlain watsinze amanota 42 mu mukino umwe.
Russell Westbrook yegukanye igihembo cya MVP kabiri yikurikiranya akaba uyu muhigo waherukaga mu 1959 ufitwe na Bob Pettit, wagitwaye mu 1958 na 1959.
Uko East na West byatsindanye mu myaka 16 ishize na ba MVP b’umukino:
2000 West 137 – 126 East Tim Duncan&Shaquille O’Neal
2001 East 111 – 110West Allen Iverson
2002 West 135 – 120East Kobe Bryant
2003 West 155 – 145 East Kevin Garnett
2004 West 136 – 132 East Shaquille O’Neal (2)
2005 East 125 – 115 West Allen Iverson (2)
2006 East 122 – 120 West LeBron James
2007 West 153 – 132East Kobe Bryant (2)
2008 East 134 – 128 West LeBron James (2)
2009 West 146 – 119East Kobe Bryant (3) &Shaquille O’Neal (3)
2010 East 141 – 139 West Dwyane Wade
2011 West 148 – 143East Kobe Bryant(4)
2012 West 152 – 149East Kevin Durant
2013 West 143 – 138East Chris Paul
2014 East 163 – 155West Kyrie Irving
2015 West 163 – 158 East Russell Westbrook
2016 West 196 – 173East Russell Westbrook(2)
UM– USEKE.RW
English