Abakinnyi 3 ba ‘Team Rwanda’ barahatanira igihembo cy’umukinnyi mwiza muri Afurika
Abasore ba Team Rwanda i Brazzaville bahavanye imidari ya Bronze n’umwe wa zahabu
Abakinnyi b’ikipe y’igihugu y’umukino w’amagare “Team Rwanda” Ndayisenga Valens, Nsengimana Jean-Bosco na Uwizeyimana Bonaventure bari ku rutonde rw’abakinnyi 20 muri Afurika barimo guhatanira igihembo cy’umukinnyi mwiza muri Afurika.
Umuhango wo gutanga iki gihembo uzaba muri uku kwezi, tariki 17 Ukuboza, mu gihugu cya Gabon ari naho gitegurirwa kuva mu mwaka wa 2012. Uyu muhango utegurwa n’abasanzwe bategura irushanwa rya ‘Tropicale Amissa Bongo’.
Ku nshuro eshatu iki gihembo kimaze gutangwa kimaze gutwarwa n’abanya-Eritrea babiri Natnael Berhane (2012) na Mekseb Debesay (2014); n’umunya-Afurika y’Epho Louis Meintjes (2013).
Abategura iri rushanwa batangaje ko muri uyu mwaka, itsinda rizatoranya umukinnyi mwiza muri abo bose rizaba rigizwe n’abayobozi b’imikino (directeurs Sportifs), abatoza, abayobozi n’abanyamakuru b’Abanyafurika n’Abanyaburayi bakurikirana umukino w’amagare, bose bakazaba bayobowe na kizigenza Bernard Hinault wegukanye ‘Tour de France’ inshuro eshanu.
Mu bakinnyi batoranyijwe uyu mwaka haragaragaramo Abanyarwanda 3, Abanya-Eritrea 4, Abanya-Algeria 3, Abanya-Morocco 3, Abanya-Afurika y’Epfo 3, umunya-Burkina Faso umwe, Umunya-Cameroon, umunya-Ethiopia n’umunya-Tunisia.
Urutonde rw’abakinnyi bose:
1.Ndayisenga Valens (Centre Mondial UCI/Rwanda),
2.Nsengimana Jean-Bosco (Rwanda),
3.Uwizeyimana Bonaventure (Rwanda),
4.Berhane Natnael (MTN-Qhubeka/Eritrea)’
5.Debesay Mekseb (Bike Aid/Eritrea),
6.Kudus Merhawi (MTN-Qhubeka/Eritrea)
7.Teklehaimanot Daniel (MTN-Qhubeka/Eritrea)
8.Barbari Adil (Centre Mondial UCI/Algeria),
9.Belmokhtar Abdelkader (Groupement Sportif Pétrolier/Algeria)
10.Reguigi Youcef (MTN-Qhubeka/Algeria)
11.Haddi Soufiane (Skydive Dubaï/Morocco),
12.Lahsaini Mouhssine (Morocco),
13.Mraouni Salaheddine (Morocco),
14.Impey Daryl (Orica-GreenEdge/Afurika y’Epfo),
15.Janse Van Rendsburg Jacques (MTN-Qhubeka/Afurika y’Epfo),
16.Meintjes Louis (MTN-Qhubeka/Afurika y’Epfo),
17. Ouédraogo Rasmané (Burkina Faso),
18. Kamzong Clovis (Cameroon),
19. Grmay Tsgabu (Lampre-Merida/Ethiopia),
20 Chtioui Rafaâ (Skydive Dubaï/Tunisia).
UM– USEKE.RW
English