Volleyball: Bigoranye, Rayon yatsinze APR kuri Final

CHIEF EDITOR
06/07/2015

APR yatangiye irusha cyane Rayon Sports, uyu ni umusore Theodor warekuye ikiro kikinjira

Kuri iki cyumweru mu mukino wari wahuruje imbaga kuri stade nto i Remera, aya makipe y’amakeba yakinaga mu irushanwa ryo kwibuka, gusa ishyaka n’ubushake biba birenze cyane iri rushanwa kubera amazina. APR VC yatangiye irusha cyane Rayon byarangiye ukundi kuko iyi kipe ya Rayon ariyo yegukanye intsinzi. Ni mu irushanwa ryo Kwibuka aba ‘Sportifs’ bishwe muri Jenoside yakorewe Abatutsi ryakinwe mu mikino ya Football, Volleyball na Basketball.

Rayon Sports yagowe cyane no kwinjira mu mukino ndetse mu iseti ya mbere APR yagize amanota 15 Rayon igifite atandatu, ntibyagoranye ko APR itsinda iyi seti ku manota 25 kuri 18 ya Rayon.

Rayon ntiyagaragaje ubushake n’ubushobozi muri iyi seti ndetse bamwe babonaga ko uyu mukino atari uwayo.

Si uko byakomeje ariko kuko Seti ya kabiri Rayon Sports itozwa na Fidel Nyirimana yaje yahinduye ibintu ahanini kubera ‘bloque’ z’abakinnyi Fred Musoni na Guillaume Irakarama bahagaritse cyane ibiro bya James Ontere (umukenya APR yatiye ukina mu Buyapani), Iyango Theodor na Yves Mutabazi byari bikomeye muri seti ya mbere.

Seti ya kabiri Rayon yayitsinze ku manota 25 kuri 18 ya APR VC, Seti ya gatatu APR yongera kuyisubiza ku manota 25 kuri 16 ya Rayon, Seti ya gatatu Rayon iyitsinda byihuse cyane kuri 25 kuri 13 ya APR. Ibi byatumye amakipe yombi akina ikitwa Seoul kuko yari anganyije seti 2 – 2.

Aka gaseti gato ka kamparampaka k’amanota 15 Rayon Sports yakitwayemo neza kubera abasore bayo Nelson Murangwa (wabaye MVP), Fred Musoni, Kwizera P.Marshall (wabaye Best server) na bagenzi babo, maze itsinda amanota 15-13.

Muri seti ya kabiri abasore ba Rayon nka Musoni (uri hagati) bitwaye neza mu gukora Bloc

Nyuma ya 'pass' umwe awuciyeho ngo Nelson uri hirya abe ari we uwutera mu byo bita 'Combinaison' — Nyuma ya ‘pass’ umwe awuciyeho ngo Nelson uri hirya abe ari we uwutera mu byo bita ‘Combinaison’

Rayon Sports yihanganisha bagenzi baabo ba APR nyuma yo kubatsinda — Rayon Sports yihanganisha bagenzi babo ba APR nyuma yo kubatsinda

Mutabazi ukinira APR yahembwe nka 'passeur' mwiza — Mutabazi ukinira APR yahembwe nka ‘passeur’ mwiza

Nelson Murangwa wabaye umukinnyi mwiza muri iri rushanwa yakira igihembo

Igikombe cy'iri rushanwa muri Volleyball cyatanzwe na Robert Bayigamba uyobora impuzamashyirahamwe y'imikino Olempike mu Rwanda cyakirwa na Fred Musoni — Igikombe cy’iri rushanwa muri Volleyball cyatanzwe na Robert Bayigamba uyobora impuzamashyirahamwe y’imikino Olempike mu Rwanda cyakirwa na Fred Musoni

Football ntibyagenze uko byateguwe:

Mu mupira w’amaguru, muri iri rushanwa hari hatumiwe amakipe y’ibihugu by’abaturanyi Sudani y’Epfo, Tanzania na Kenya, ebyiri za mbere zahageze zitinze cyane, bituma gahunda y’imikino ihinduka izi ziboneka kuri iki cyumweru kandi ari bwo hari hategerejwe umukino wa nyuma hakurikijwe uko zatsindanye kuwa gatandatu.

Gusa Amavubi yabashije gukina imikino ibiri, uwo yanganyije na Kenya 0 – 0 kuwa gatandatu n’uwo yatsinze Tanzania 2 – 0 kuri iki cyumweru. Uwegukanye iri rushanwa akaba atasobanutse kuko na Kenya yakinnye imikino ibiri, mu gihe Tanzania na Sudani y’Epfo zakinnye umukino umwe umwe.

Muri Basketball CSK yahize izindi

Imikino yabereye ku kibuga cyayo muri Cercle Sportif de Kigali, iyi kipe yabashije gutsinda ikipe nshya ariko ubu ikomeye mu Rwanda ya Patriotes ku manota 95 kuri 90 mu mukino ukomeye wabaye kuwa gatandatu nimugoroba.

Ku mukino wanyuma kuri iki cyumweru, CSK yabashije gutsinda Espoir amanota 57 kuri 55.

Ku mukino wa nyuma mu bagore Ubumwe BBC yatsinze APR BBC amanota 70 kuri 42.

Jean Paul NKURUNZIZA
UM– USEKE.RW

11 Comments

ivubi says:
06/08/2015 at 04:52

Oooooooooooooooooooooooooh Rayon!!!!!!!!!!!!!!!!!!!!!!!!!!!!!!!! kubita

mesange says:
06/08/2015 at 05:21

Arikose wa munyamakuruwe, niba atari ibanga, uyu mukino wahuje APR na Rayon (Volley ball) wari uhibereye cg wanditse ibyo bakubwiye ??? Ahubwose Seoul itsindirwa 15/14 ibaho ??? Kabisa ntimukajye mudutuburira !!!
- Super says:
  06/08/2015 at 07:57
  
  Ushobora kuba utasomye neza iyi nkuru ahubwo wanditse ibi kuri mu mutwe cg uriya munyamakuru utemera ibyo yandika.Dore ibyo yanditse:Aka gaseti gato ka kamparampaka k’amanota 15 Rayon Sports yakitwayemo neza kubera abasore bayo Nelson Murangwa (wabaye MVP), Fred Musoni, Kwizera P.Marshall (wabaye Best server) na bagenzi babo, maze itsinda amanota 15-12.Ubwo se urabona hari aho bihurira na message yawe.Niba wibeshye saba imbabazi uyu munyamakuru kuko wanditse ushobora kuba ufite amarangamutima atari meza.
  - kiriya says:
    06/08/2015 at 08:52
    
    @Super
    
    Nawe urabeshye umunyamakuru yanditse ko Rayon Sport yatsindiye kuri 15-13 ntabwo ari 15-12 nkuko ubyanditse. Ongera usome neza cyangwa urebe neza.
    
    Handitse ngo: “Aka gaseti gato ka kamparampaka k’amanota 15 Rayon Sports yakitwayemo neza kubera abasore bayo Nelson Murangwa (wabaye MVP), Fred Musoni, Kwizera P.Marshall (wabaye Best server) na bagenzi babo, maze itsinda amanota 15-13.”
- Didi says:
  06/09/2015 at 17:31
  
  Ahubwo se wowe wiyise mesange wasomye inkuru? Umunyamakuru yanditse ko Seoul yarangiye 15-13 gusa ahubwo yibeshye aho yavuze ko seti ya 4 y’umukino Rayon yayitsinze 25 kuri 13 nyamara byarangiye 25-16. Muri rusange byagenze gutya: APR 25 18 25 16 13
  RAYON 18 25 16 25 15

Karekezi says:
06/08/2015 at 05:37

Dore abana b’abanyarwanda naho ureke abigize bo ngo Iyambo n’abandi ntazi kabila yabo.

Ndugu says:
06/08/2015 at 06:37

Rayon wakina mabigibigi nuzabura abakunjya inyuma gusa urikipe nziza kandi ishimisha abafana bawe. ohoooooooooooo Rayon tuzakugenda imbere

jshjj says:
06/08/2015 at 08:25

Rayonsports aho nta manyanga arimo rayonsports irakubita.Songa mbele rayons

Cyasemakamba says:
06/08/2015 at 16:44

Oh rayon baguhora iki Rayon

Karekezi says:
06/10/2015 at 06:38

Ariko banange … kweri …Rayon irongeye, mbega akumiro. Dutegereje iki ngo dushake Degaule adufashe no muri Volley Ball.

francis says:
06/15/2015 at 18:58

rayon sport forever!

Comments are closed.

Share this:

11 Comments