AERG yashyikirijwe inka 20 yemerewe na Mme Jeannette Kagame

CHIEF EDITOR
05/09/2015

Bakiranye ibyishimo inka bagabiwe na Mme Jeannette Kagame

Umuryango w’Abanyeshuri barokotse Jenoside (AERG) kuri uyu wa gatanu washyikirijwe inka 20 wagabiwe na Mme Jeannette Kagame ubwo yifatanyaga mu gusoza umwaka wa 2014 n’abana barokotse batagiraga aho baba ubu batuye mu nzu ya One Dollar Campaign. Izi nka bakaba bazishyikirijwe n’umuyobozi wa Imbuto Foundation Radegonde Ndejuru watumwe na Mme Kagame, mu rwuri rwa AERG ruherereye Karangazi muri Nyagatare.

Uretse inka 20 bashyikirijwe, uyu muryango wa AERG wanakiriye inka 61 bagabiwe n’abantu batandukanye barimo umunyemari Gatera Egide, FPR-Inkotanyi, Horizon Express, Inyange Industries, Kigalli Bus Services, Umumararungu Family n’abandi.

Jean de Dieu Mirindi umuhuzabikorwa wa AERG ku rwego rw’igihugu yashimiye Mme Jeannette Kagame n’abandi babagabiye inka.

Ati “By’umwihariko turashimira umubyeyi wacu (Jeannette Kagame) udahwema kutuba hafi, ugira uruhare rukomeye mu kwigisha urubyiruko kwirinda SIDA, gufasha urubyiruko rw’abakobwa kwigirira ikizere n’ibindi.”

Mirindi yavuze ko AERG mu rwego rwo kubeshaho abanyamuryango bayo bagifite ibibazo by’ubushobozi bucye mu mpera z’umwaka ushize yakoze ‘Business Plan’ y’imyaka itanu ya Miliyari imwe y’amanyarwanda ubu bakaba bamaze kwibonera ubwabo 10%.

Mirindi yavuze ko uru rwuri rw’i Karangazi bahawe na Perezida Paul Kagame ngo barufitiye gahunda ndende zirimo no kuhagira ikigo cy’ubushakashatsi cyazajya gifasha abahinzi n’aborozi muri ako gace.

Abagize AERG bavuga ko inka borojwe zitazabagirira akamaro bonyine kuko bateganya koroza imiryango irenga ibihumbi 20 mu gihe kiri imbere uko inka bagabiwe zizagenda zibyara.

Urwuri rwa AERG i Karangazi rurimo inka 151, uru rwuri bakaba banarukoreramo imirimo y’ubuhinzi byose bigamike kubyara inyungu.

Bamwe mu Banyamuryango ba AERG bari baje kwakira inka bagabiwe.

Uhereye ibumoso hari uwari uhararariye Gatera Egide, Colonel Karemera uyobora ingabo muri Nyagatare, Radegonde Ndejuru yobora Imbuto Foundation n'Umuyobozi w'Inyange. Bose bagabiye AERG — Uwari uhararariye Gatera Egide (ibumoso), Colonel Karemera uyobora ingabo muri Nyagatare, Radegonde Ndejuru/Imbuto Foundation n’Umuyobozi w’Inyange.

Societe itwaraba abagenzi ha Horizon Express ni imwe mu bagabiye AERG.

Mirindi, umuhuzabikorwa wa AERG avuga ko izi nka n'uru rwuri bitazagirira akamaro AERG gusa — Mirindi, umuhuzabikorwa wa AERG avuga ko izi nka n’uru rwuri bitazagirira akamaro AERG gusa

Inka 20 bagabiwe na Mme Jeannette Kagame

Nyuma yo kwakira inka bacinye akadiho hamwe mu byishimo

Mu Ukuboza umwaka ushize ubwo Mme Jeannette Kagame yasuraga abana baba mu nzu ya One Dollar Campaign akanemerera inka AERG bahuriramo

Joselyne UWASE
UM– USEKE.RW

13 Comments

Mubaraka says:
05/09/2015 at 09:08

Ni nkeya abazigaba ni benshi…, muzongere !!!

murigande says:
05/09/2015 at 12:26

Jeannette Kagame ni umubyeyi mwiza kuba yarazirikanye aba bana bacitse ku icumu batishoboye akabagabira. aerg rero izi nka zikomeze ziyibere intwaro itsinda ubukene maze bimakaze ya gahunda duhora dutozwa na H.E Paul Kagame yo kwigira

Kabukondo says:
05/09/2015 at 12:55

Kukiburigihe iwacu inzego zivanga mubitazireba? mwambira nkuyu musilikari icyamara ahanangaha? ahagarariye nde?

gahigi says:
05/09/2015 at 17:21

Yego wa mana we, umusilikare se agutwaye iki? Niwe se utagomba kugera aho abandi bari?
- Sekamana says:
  05/10/2015 at 06:05
  
  Turebeye mu bihugu byateyimbere abasilikari baba bafite inshingano zabo ntabwo ubabona ahantu hose habereyibirori nkuko iwacu bimeze muri make byerekana ko turi mugihugu gitegekwa nabasilikari kandi bavugako dutegekwa gisivili.

hhhhh says:
05/10/2015 at 15:34

Yaje kwishimira gutangwa kwinka.wenda nawe ni umunyamuryango wa aerg none byamubuza kuzamo ngo kuko ari umjsirikare.u rda ni y rda n ibindi bihugu ni ibindi sinumva impamvu buri fihe hagomba guhoraho comparaison y u rda n ibindi buhugu cyane cyane ko umusirikare ntakibi yakoze muri uwo muhango

Karambizi says:
05/10/2015 at 21:46

Sekamana na Kabukondo babishoboye bahita bafata umupanga. Amaraso yarabasajije ariko musubize amerwe mu isaho ntawe muzica kuko turahari.

Danny says:
05/10/2015 at 23:45

@ Kabukondo: Ahagarariye inzego zishinzwe umutekano wa ndashima we. Nudashobora kwihanganira kubona umuntu cyangwa umusirikare nkawe uzimanike.

jean mateso says:
05/11/2015 at 07:28

nanjye ndashima uyu mubyeyi THE FIRST LADY OF OUR COUNTRY RWANDA uduhaye amata. Zirakamwa. Imana imwongerere.

mpatsimpondo says:
05/11/2015 at 08:15

aliko sha wowe wiyise Kabukondo wavuye murayo urimo? none se sha kabukondo, abasilikare s’abantu kugezaho wandika ibyo ku mbuga isomwa n’imbaga y’abantu?

EPHREM says:
05/11/2015 at 14:31

JEANNETTE KAGAME NI UMUBYEYI MWIZA CYANE UBEREYE U RWANDA ADUHAYE AMATA. IMANA IMUHE UMUGISHA

NZABANDORA says:
05/12/2015 at 08:16

Ariko disi hari abanyarwanda bataye umutwe!! umusirikare abantu baje mu karere ashinzwemo umutekano none ngo arahakora iki?? ese ibi wabisomye wa njiji we “uyu muryango wa AERG wanakiriye inka 61 bagabiwe n’abantu batandukanye barimo umunyemari Gatera Egide, FPR-Inkotanyi, Horizon Express, Inyange Industries, Kigalli Bus Services, Umumararungu Family n’abandi.” nta FPR-inkotanyi ubona mu batanze inka?? umutima wuzuye urwango n’ubugome gusa!! muzumirwa

Kamali says:
05/12/2015 at 09:53

Ni byiza cyanee, Congratulation and Thank you so much First lady ! ariko nabwira nabo muri AERG ngo mujye munatekereza no kuri ba Nyogosenge ,ba so wanyu na ba Nyogokuru bari kuborera mu byaro iyo ngiyo aho Incike itagira uyitaho cg uyiba hafi cg akaba yanaburara, abandi bamwe barahohoterwa ,bararenganywa ntibabone ababunganira mu mategeko kandi muyiga n’ibindi nkibyo muzi ! Ntimuheranwe nama Discours meza ahubwo mushyire mu bikorwa murwanira ishyaka kandi mufasha abo bene wanyu barabakeneye,ni mwebwe mugomba gutera iyambere kurusha n’abandi bose, kandi kubafasha uba ufashije igihugu na Leta mu gukemura ibibazo by’Abanyarwanda.

Comments are closed.

Share this:

13 Comments