APR FC VS Rayon: zirahangana zaratakaje abatoza bakuru

Nyuma yo kwitwara neza hanze y’u Rwanda mu mikino nyafrika y’amakipe yabaye ayambere iwayo, amakipe ya Rayon Sports na APR FC  arakina mu mpera z’iki cyumweru kuri Stade Amahoro buri ruhande mu minsi ishize rwabuze umutoza mukuru.

Mu mukino mpaka kurusha indo yo muri shampiyona y’icyiciro cya mbere mu Rwanda, ikipe y’i nyanza  iherutse gutandukana n’umutoza wayo mukuru Andy Mfutila kubera kumara imikino 10 nta ntsinzi, iracakirana n’ikipe y’Ingabo z’igihugu nayo iherutse  gutandukana n’umutoza mukuru wayo Petrovic umunya Serbia  bivugwa ko yagiye kubera ko atumvikanaga n’ubuyobozi bwa APR FC.

Izi kipe zombi ziherutse mu mikino nyafrika y’amakipe yatwaye ibikombe mu bihugu byayo. Rayon Sport yagiye muri Cameroun itsinda umukino ubanza hanze igitego 1-0 bwa Panthere du Nde.

Avuga ku mutoza yari y’ungirije Sosthene Habima ubu wagizwe umutoza mukuru wa Rayon sport, yatangaje koko ko batagize ibihe ibyiza bari kumwe na Mfutila ati “ Ntabwo twigeze tugira amahirwe kuko twamaze imikino icumi nta ntsinzi .

muri shampiyona twatsindiye ikipe ya Musanze iwayo none twabashije no gutsindara muri Cameroun, ikipe ubu imeze neza n’abakinnyi umwuka ni mwiza.”

Ubuyobozi bw’ikipe ya Rayon Sports bukaba bwamaze kwemeza ko uyu mutoza Habimana azakomeza uyu murimo kugeza iyi shampionat irangiye.

APR yo ikubutse muri Mozambique aho yanganije umukino ubanza ubusa ku busa n’ikipe ya Liga Muculmana  de Maputo, umutoza wayo Mashami Vincent bakigera ku kibuga cy’indege i Kanombe yabwiye itangazamakuru ko ikipe ye ubu imeze neza.

Ati “Abakinnyi baracyafite morale nk’ibisanzwe, ndatekereza ko tugiye gukomeza gukora neza kurushaho.”

Ikipe ya Rayon Sport igiye kwakira mukeba ku munsi wa 18 wa shampiyona irushwa amanota agera ku icumi kuko APR FC iri ku mwanya wa 1 n’amanota 35 Rayon ku mwanya wa gatatu n’amanota 25.

Aya makipe umukino ubanza wa shampiyona uheruka kuyahuza wabereye kuri stade Amahoro urangira APR FC itsinze 2-1.

imikibno yose y’umunsi wa 18 wa shampiyona:

Mukura VS vs    AS Kigali    Mumena    22/02/2015        15:30

Etincelles Fc vs    Espoir Fc    Tam Tam   22/02/2015        15.30

Isonga vs   SC Kiyovu Ferwafa     22/02/2015        15:30

Amagaju Fc vs    Sunrise FC Nyamagabe        22/02/2015        15:30

Police Fc vs        Marines Fc Kicukiro     22/02/2015        15:30

Musanze Fc vs    Gicumbi Fc         Musanze    22/02/2015        15:30

Rayon Sports vs APR FC      Amahoro    22/02/2015        15:30

Paul NKURUNZIZA
UM– USEKE.RW