Valens Ndayisenga yegukanye ‘Prologue’ ya Tour of Egypt

Kuri uyu wa gatatu ubwo irushanwa rya Tour of Egypt ryatangiraga umunyarwanda Valens Ndayisenga yegukanye agace ka mbere (prologue) ka 8Km aba uwa mbere. Abasore bandi b’abanyarwanda barimo Hadi Janvier yaje ku mwanya wa gatatu naho Joseph Biziyaremye aba uwa karindwi.

Urubuga rw’iri rushanwa rutangaza ko Ndayisenga yakoresheje iminota 10’47 akurikirwa na  Mancebo Perez ukomoka muri Espagne yasizeho amasegonda icyenda.

Ku mwanya wa gatatu haje Hadi Janvier, kuwa kane Haddi Soffiane wo muri Maroc, kuwa gatanu haza Van Eerd David wo mu Buholandi, Milza ElHammadi Mohamed wo muri UAE aba uwa gatandatu naho Joseph Biziyaremye aba uwa karindwi.

Abasiganwa barangije irushanwa ari 49, abandi banyarwanda bitwaye neza barimo Patrick Byukusenge wabaye uwa 15, Bonaventure Uwizeyimana wabaye uwa 22 na Emile Bintunimana wabaye uwa 35.

Nyuma y’aka gace ka mbere iri rushanwa riratangira bya nyabyo kuri uyu wa 15 Mutarama 2015 bakora 155Km

Stage: 1 – 15 Mutarama : Al Gouna – Ras Hgareb, 155Km

Stage: 2 – 16 Mutarama : Hurghada – Qina, 150 km

Stage: 3 – 17 Mutarama : Makady, 142 km

Stage: 4 – 18 Mutarama : Hurghada, 195 km

UM– USEKE.RW