Umuryango wa Kadhafi wahungiye muri Algeria

Algeria :- Mu gihe abafashe Tripoli bakomeje gutangaza ko kuba batari bacakira Colonnel Mouammar Khadaffi biteye inkeke ku banya Libya bose, kuri umugore wa Kadhafi ndetse n’abana be batatu bahungiye mu gihugu cya Algeria, kuri uyu wa mbere.

Ibiro ntaramakuru APS byo mu gihugu cya Algeria, biravuga ko mu gitondo cyo ku wa mbere tariki ya 29 Kanama 2011, aribwo umgore wa kadhafi Safia, umukobwa we Aisha ndetse n’abahungu be babiri Hannibal na Mohammed, aribwo bageze muri Algeria.

Mu itangazo ryaturutse muri ministere y’ububanyi n’amahanga muri Algeria rigaragaza ko uyu muryango wa Kadhafi guhungira muri Algeria, iyi byamenyeshejwe umuryango w’abibumbye ndetse n’abayobozi bakuru ba CNT ishaka guhirika burundu Kadhafi ku butegetsi amazeho imyaka 42.

CNT yo yatangaje ko Algeria itakagombye guha uyu muryango wa kadhafi ubuhungiro kuko ngo ibi bishobora kuzateza ikibazo gikomeye mu gihe baba bari kubasaba ngo baburanishwe.

Mu minsi ishize abarwanya Khadaffi bakaba barashinjaga igihugu cya Algeria kuba gishyigikiye Kadhafi n’intambara akomeje guteza mu gihugu.

Algeria yo yabiteye utwatsi. Algeria kikaba nacyo kiri mu bihugu by’Afurika y’amajyaruguru byemeje ko akanama k’igihugu k’inzibacyuho (CNT) katakwemerwa nka guverinoma nshya muri Libya.

Ferdinand Uwimana
Umuseke.com