Digiqole ad

Rwanda vs Uganda mu mukino wa gicuti

Ku itari ya 6 Gashyatare ni umunsi FIFA yagennye amakipe y’ibihugu yakinaho imikino ya gicuti, kuri uwo munsi Amavubi n’Imisambi ya Uganda bishobora kuzacakirana.

Umukino uhuza Amavubi n'Imisambi buri gihe uba ukomeye
Umukino uhuza Amavubi n’Imisambi buri gihe uba ukomeye

Uyu mukino uzakinirwa kuri Stade Amahoro i Kigali, uzahuza amakipe y’amakeba mu karere n’ubwo Uganda ubu iri ku imbere cyane y’u Rwanda ku rutonde rwerekana uko umupira w’ibihugu wifashe.

ku ruhande rw’Amavubi uyu mukino uzafasha ikipe y’u Rwanda kwitegura imikino yo gushaka ticket yo kujya mu gikombe cy’Isi mu 2014 aho u Rwanda ruzakira Mali kuwa 22 Werurwe i Kigali.

Ministeri ishinzwe imikino ndetse na FERWAFA hategerejwe ko byemeza ko uyu mukino ugomba kuba kuri iriya tariki yagenwe na FIFA.

Uruhande rwa Uganda rwatangarije Times Sports dukesha iyi nkuru ko FERWAFA yabahamagaye ibasaba ko bazakina uyu mukino wa gicuti.

Imwe mu mikino iherutse guhuza ibihugu byombi:

2011-12 Rwanda 2 – 2 Uganda

2009-12 Uganda 2 – 0 Rwanda

2009-01 Uganda 4 – 0 Rwanda

2007-12 Rwanda 1 – 0 Uganda

2007-12 Rwanda 0 – 2 Uganda

2006-12 Rwanda 0 – 0 Uganda

2006-11 Rwanda 0 – 1 Uganda

2006-07 Rwanda 1 – 0 Uganda

2005-12 Uganda 0 – 1 Rwanda

2004-08 Uganda 1 – 2 Rwanda

2004-05 Rwanda 1 – 1 Uganda

2003-12 Uganda 2 – 0 Rwanda

2003-06 Uganda 0 – 1 Rwanda

Egide RWEMA
UM– USEKE.COM

en_USEnglish