Digiqole ad

Mukura yatsinze APR FC iyisanze i Kigali

Ku munsi wa gatandatu wa shampionat y’u Rwanda, ikipe ya APR yari yakiriye Mukura Victory Sport kuri Stade ya Kigali i Nyamirambo, Mukura ikaba ibashije kuhavana amanota atatu ku ntsinzi y’igitego kimwe ku busa.

Mukura vs APR
Mukura vs APR

Ni igitego cyabonetse mbere gato y’uko igice cyambere cy’umukino kirangira gitsinzwe na HARORIMANA Jean de Dieu, ku mupira mwiza yateye adahagaritse kandi ari munguni (Angle fermé) maze umuzamu Jean Luc bita Bakame wa APR akoraho gato ariko ntibyawubuza kujya mu rushundura.

Usibye umukino yanganyije na Rayon Sport ku munsi wa gatanu wa shampionat, APR yari itaratsindwa na rimwe.

Mu gice cya kabiri, ba rutahizamu Olivier Karekezi na Ndikumana Selemani bagerageje kureba niba byibura banganya ariko ba myugariro ba Mukura, Hamidou, Serugendo Arafat na Gabriel bagahagarara neza cyane.

Ikipe ya APR FC yakomeje gusatira ndetse iza kubona Penaliti, ariko Ndikumana Selemani ntiyabasha kuyishyira mu izamu rya Mukura.

Ku munota wa 90, Olivier Karekezi yarekuye ishoti rikomeye rifata umutambiko w’izamu mu gihe abafana bayo bari bahagurutse baziko byibura bacyuye inota rimwe.

Ababanjemo ku mpande zombi :

Mukura VS

Umuzamu: Sakia Robert

Myugariro: Simpenzwe Hamidou, Gabriel Mugabo, Uwimana Patrice na Serugendo Arafat

Hagati: Nizigiyimana Eric, Muvunyi Felix, Irakoze Nazeri, Ubarijoro Providence

Rutahizamu: Corneille Murwanashyaka na Harorimana Jean de Dieu

 

APR FC

Umuzamu: Jean luc Ndayishimiye

Myugariro: Ngabo Albert, Tuyizere Donatien, Mbuyu Twite, Alex da Silva

Hagati: Bagore Johnson, Didier Logbo, Kabange Twite, Ndikumana Selemani,

Rutahizamu: Karekezi Olivier, Ngomirakiza Hegman

 

Indi mikino y’umunsi wa gatandatu uko yarangiye :

29 Ukwakira  2011
Kiyovu Sports 3-2 La Jeunesse
Nyanza FC 1-1 Rayon Sports

30 Ukwakira 2011
APR FC 0-1 Mukura VS
Amagaju FC 2-1 Marines FC
Espoir FC 1-1 AS Kigali
Police FC 1-1 Etincelles FC

Uko amakipe akurikirana ku munsi wa gatandatu

Pts

01           ETINCELLES FC                   14
02           APR FC                                    13
03           KIYOVU SPORTS               13
04           POLICE FC                            12
05           RAYON SPORTS                 11
06           MUKURA VS                      11
07           LA JEUNESSE                      7
08           AMAGAJU FC                      7
09           NYANZA FC                         3
10           MARINES FC                       3
11           ESPOIR FC                             2
12           AS KIGALI                            2

UM– USEKE.COM

5 Comments

  • EH, shampiona iraryoshye pe. we hope it will continue like this

  • Kweri abafana bakomeze kwitabira imikino nibyo biryoshya imikikno

  • Abantu bamenye ko Mukura yacu atari insina ngufi yo gushakirwaho amanota atatu. Yego simpamya ko tuzatwara shampiona ariko amakipe yose ajye aza iwacu yikandagira. ”LONG LIVE MUKURA VICTORY SPORT”.

  • aha nibyiza cyane iyo amakipe antsindana biryoshya championa gusa twiteze ibizakurikira mukura hoye pe wakoze akazi katoroshye cyane komerezaho

  • ok ndumva igikona bakimereye nabi ubwo rero umupira wo murwanda watangiye kuryoha mutegereze gusa

Leave a Reply

Your email address will not be published. Required fields are marked *

en_USEnglish
en_USEnglish