Mbabazwa nuko ntacyo ndageza ku Mavubi, gusa noneho igihe ni iki –Haruna

Roben Ngabo
05/31/2017

Abakinnyi bakina hanze y’u Rwanda barimo Haruna Niyonzima bageze mu mwiherero w’ikipe y’igihugu Amavubi banatangiye imyitozo. Uyu kapiteni w’iAmavubi abona igihe kigeze ngo we na bagenzi be bahe abanyarwanda ibyishimo kuko nabo babazwa no kuba ntacyo bakwibukirwaho mu Mavubi.

Haruna Niyonzima ababazwa cyane no kuyobora ikipe idashimisha abanyarwanda, ariko abona noneho igihe ari iki

Mu gitondo cyo kuri uyu wa gatatu tariki 31 Gicurasi 2017 kuri stade Amahoro habereye imyitozo y’ikipe y’igihugu Amavubi yitegura umukino na Central Africa Republic mu gushaka itike y’igikombe cya Afurika 2019 kizabera muri Cameroun.

Umutoza mushya w’Amavubi, Umudage Antoine Hey yahamagaye abakinnyi 25 barimo icyenda bakina hanze y’u Rwanda. Kuba hari umubare munini w’abakinnyi b’abanyarwanda bazaturuka hanze bitandukanye n’imyaka yashize, Haruna Niyonzima abibona nk’intwaro igiye kugeza Amavubi ku bihe byiza.

Niyonzima yagize ati: “Umwuka ni mwiza kandi twiteguye guhagararira igihugu. Kuba dufite abakinnyi benshi basohotse mu Rwanda ni byiza cyane kuko byanze bikunze igihugu wakinamo cyose kitari iwanyu hari urwego rurazamuka. Kuba dufite abakinnyi icyenda (9) bizadufasha. Njye ndabona igihe ari iki ngo dutange umusaruro.

Yakomeje agira ati: “Nanjye birambabaza cyane kuba maze imyaka ingana gutya (imyaka itanu) ndi kapiteni w’ikipe y’igihugu ariko nta kintu ndayigezaho. Njye na bagenzi banjye turifuza kugira icyo dukora natwe tuzibukirwaho.”

Iyi kipe ikomeje gukora imyitozo inshuro ebyiri ku munsi, kuri uyu wa gatanu tariki 2 Kamena 2017 izakina na Maroc yageze mu Rwanda umukino wa gicuti ugamije kwibuka abazize Jenoside yakorewe Abatutsi mbere yo kujya i Bangui muri Central Africa Republic ahazabera umukino wo gushaka itike y’igikombe cya Afurika tariki 11 Kamena 2017.

Nzarora Marcel na Emery Bayisenge bazamukanye mu makipe y'igihugu y'ingimbi bongeye guhura — Nzarora Marcel na Emery Bayisenge bazamukanye mu makipe y’igihugu y’ingimbi bongeye guhura

Nyuma y'imyaka irindwi atagera mu ikipe y'igihugu Amavubi Rucogoza Aimable Mambo akomeje imyitozo — Nyuma y’imyaka irindwi atagera mu ikipe y’igihugu Amavubi Rucogoza Aimable alias Mambo akomeje imyitozo

Ni imyitozo yari yiganjemo kwiga gutera amashoti ya kure

Kuri uyu wa gatanu barahura na Maroc mu mukino wa gicuti

Antoine Hey na Mashami Vincent umwungirije bajya inama y'icyo bakora ngo Amavubi yongere kudwinga — Antoine Hey na Mashami Vincent umwungirije bajya inama y’icyo bakora ngo Amavubi yongere kudwinga

Rutahizamu wa Pepiniere FC Mugisha Gilbert ari mu bakomeje gutungurana

Nyuma y'amasaha make ageze mu Rwanda Jean Baptiste Migi yatangiye imyitozo — Nyuma y’amasaha make ageze mu Rwanda Jean Baptiste Migi yatangiye imyitozo

Nshuti Dominique Savio ari mu bakina mu Rwanda nabo bashobora kubona amakipe yo hanze

Migi na Haruna batebya bavuga ko Mambo bakinanye CAN U20 muri 2009 akwiye kunnyuzurwa kuko yari amaze imyaka myinshi atagera mu mavubi — Migi (7) na Haruna batebya bavuga ko Mambo (25) bakinanye CAN U20 muri 2009 akwiye kunnyuzurwa kuko yari amaze imyaka myinshi atagera mu mavubi

Kuko amaze amasaha make mu Rwanda, Haruna Niyonzima ntiyakoranye na bagenzi be

Emery Bayisenge ukina muri Maroc nawe yatangiye imyitozo

Abasore ba Gor Mahia FC yo muri Kenya Jacques Tuyisenge na Mugiraneza JB Migi mu myitozo y'Amavubi muri iki gitondo — Abasore ba Gor Mahia FC yo muri Kenya Jacques Tuyisenge na Mugiraneza JB Migi mu myitozo y’Amavubi muri iki gitondo

Umwe mu bakinnyi Amavubi agenderaho, Michel Rusheshangoga azakinira Singida United — Umwe mu bakinnyi Amavubi agenderaho mu kugarira, Michel Rusheshangoga umwaka utaha azakinira Singida United muri Tanzania

Umutoza Antoine Hey abaza kapiteni we Haruna Niyonzima uko yiyumva nyuma y'urugendo ruva muri Tanzania — Umutoza Antoine Hey abaza kapiteni we Haruna Niyonzima uko yiyumva nyuma y’urugendo ruva muri Tanzania agahita aza kwitoza

Rutahizamu Danny Usengimana ari mubagiye kongera umubare w'abakinnyi Amavubi afite bakina hanze — Rutahizamu Danny Usengimana ari mu bagiye kongera umubare w’abakinnyi Amavubi afite bakina hanze

Antoine Hey atanga amabwiriza mu myitozo yo muri iki gitondo

Ibyo batumva neza, arabibereka mu bikorwa

Abatoza b'Amavubi baganira n'abakinnyi nyuma y'imyitozo — Abatoza b’Amavubi baganira n’abakinnyi nyuma y’imyitozo

Photos ©R.Ngabo/Umuseke

Roben NGABO
UM– USEKE.RW

8 Comments

pat says:
05/31/2017 at 15:05

Wow nejejwe no kubona Mambo Mambrese agaragara nanone mumavubi

Central Africa says:
05/31/2017 at 15:27

Ariko Migi, babanze bamugaburire kuko ndabona yarahuye nikibazo cy’Ibiryo. Nishimiye kugaruka mu Mavubi kwa Rucogoza Aimable (Mambo) , Ni umukinnyi mwiza kandi ibye abikora atuje.

Chelsea i Rubengera says:
05/31/2017 at 20:40

Mambo nkunda yagarutse!! nishimiye imikinireye

Munyarwanda says:
05/31/2017 at 21:27

Utabona ikibazo cy’ IBIGANGO byi kipe y’ amavubi yaba yirengagije.

Football yubu ni ngufu IBIGANGO + KWIHUTA + TECHNIQUE

igihe cyose bataza gaburirwa neza cyane ngo bakore ni myitozo ibakomeza umubiri nta musaruro mwiza bazatanga.

Nicyo za Nigeria, Cameroun ,…. Baturusha !!!!

ishimwe Rene says:
06/01/2017 at 08:35

ark c mukekako wagaburira umuntu wa 30 ans akazabyibuha ntag byakunda peee ahubwo babongerere technic naho bazashobora

Tizama says:
06/01/2017 at 11:32

ibyo captaine haruna avuga sinemeranya nawe kbsaa, équipé nationale ntamupaka igira umukinnyi uwariwewese yayijyamo igihe yerekanyeko ashoboye, haruna nareke amatiku!! ibyo yatangaje bwa mbere.

chamuas claude says:
06/01/2017 at 18:48

ubu se mambo ntago bamusubiza ubukapitain ahubwo bytheway dukeneye umuntu nka karekezi muri staff yamavubi niw wenyine wabona icyo abwira amavubi

nshimiye is noel says:
06/05/2017 at 13:05

Abatoza nibo bigaragara ko barya. Naho abakinnyi biragaragara ko bashonje cyane

Comments are closed.

Share this:

8 Comments